Hanes 1960-1969
Diolch i John Humphreys am gael menthyg y llun isod o dîm cyntaf Ysgol Ramadeg Pwllheli 1964-65.
RHES GEFN : Wil Martin : David Jones : Gwyndaf Jones : John Humphreys : Eric Baum : Graham Wood : Gwyn Jones : Keith Lewis(Athro Chwaraeon)
CANOL : Len Humphreys : Ian Martin : W O Jones : Arfon Jones(capten) : Richard Jenkins : Emlyn Thomas : Richard Jones
LLAWR : Garnet Morris : David Thomas
Cafodd John Humphreys ei ddewis i chwarae i dîm Sir Gaernarfon yn erbyn Ysgolion Rhondda ar Chwefror 20fed 1965. Colli'r gêm o 20-0 wnaeth y tîm. Gyda 14 o'r tîm yn ddisgyblion unai yn Ysgolion Friars neu John Brights, John oedd yr unig fachgen lleol i chwarae y diwrnod hwnnw.
Dyma lun arall o dîm rygbi hŷn Ysgol Ramadeg Pwllheli yn dyddio o fis Tachwedd 1965, yn dilyn buddugoliaeth o 23-0 yn erbyn Ysgol Gyfun Caergybi. Trueni na fyddai'r safon rywfaint yn well, ond er hynny rwy'n siwr y gall rhai ohonoch chi selogion y gêm adnabod amryw o'r chwaraewyr. Fe ddaeth rhai ohonynt yn nes ymlaen i chwarae i Glwb Rygbi Pwllheli, a gadael eu marc hefyd. Rhag ofn nad ydych wedi adnabod pawb mae enwau i'w gweld o tan y llun.
RHES GEFN : Meirion Hughes : William Martin : Richard Pierce
SEFYLL : Mr Keith Lewis (Athro Chwaraeon) : Dafydd Edwards : Gwynfor Hughes : John Humphreys : Eric Baum : Edward Harries : Gwyn Jones.
EISTEDD : Richard Jones : Rhys Nicholson Jones : Ian Martin : David Wyn Jones (capt) : Terry Owen (prif fachgen) : Paul Alderton : D J Thomas
LLAWR : Dewi Gough Jones : Emyr Hughes
Chwaraewyd yn erbyn HMS Conway, Caernarfon, Harlech a Machynlleth ymysg eraill yn ystod canol y chwedegau. Amryw fuddugoliaeth nodedig ymysg colledion oedd weithiau yn rhai trwm. Beth bynnag fo’r canlyniad roedd rhaid sgwennu adroddiad ar y gêm ar gyfer y Caernarfon and Denbigh. R M H oedd ‘sports correspondent’ neu gyw riportar Ysgol Ramadeg Pwllheli. Mr R Meirion Hughes, mab Y Parchedig a Mrs R Gwilym Hughes, 21 Ffordd Caerdydd.
Meirion ei hun oedd gwrthrych y newyddion yn rhifyn 24ain Rhagfyr 1965 o’r C+D Herald, pan dorrodd asgwrn pont yr ysgwydd yn chwarae yn erbyn Harlech. Aethpwyd ag ef i Ysbyty Bryn Beryl am x-ray a methodd chwe wythnos o’r tymor.
Chwarae ar y Rec ar fore Sadwrn oedd yr arferiad bryd hynny, ac mae un gêm chwaraewyd wythnos cyn Nadolig 1965 wedi dal sylw. Harlech oedd y gwrthwynebwyr mewn tywydd ofnadwy a gyda’r bêl yn ymddwyn fel bâr o sebon, yn ei gwneud yn amhosib chwarae rygbi cyflym. Pwllheli aeth ar y blaen yn erbyn 14 Harlech pan sgoriodd Terry Owen gais, a chyn hanner amser ychwanegodd John Humphreys gais arall. Seliwyd y fuddugoliaeth yn hwyr yn y gêm gyda thrydedd cais Pwllheli.
Ar ôl cyrraedd ystafelloedd newid Clwb Peldroed Pwllheli a’r Cylch darganfuwyd nad oedd y sustem dŵr poeth yn gweithio a methwyd a chael cawod. Dyna pryd y rhedodd pump o hogia dewr Pwllheli ar hyd y prom yn eu togs a neidio i’r môr. Mae enwau’r pump wedi cael ei sgwennu mewn biro ar waelod yr adroddiad; Terry, Jonesy, Dic Goch, Rhys a Dafydd Edwards.
Ar ddechrau Chwefror 1966 sgoriodd Ysgol Ramadeg Pwllheli eu trydedd fuddugoliaeth o’r bron yn erbyn Coleg Llandrillo. Canolwr Pwllheli, Wil Martin agorodd y sgorio yn fuan yn y gêm gan wthio’i hun rownd yr ochr dywyll i’r gornel, ac wedyn ychwanegu at ei sgôr wrth wneud union yr un peth ar ochr arall y cae. Roedd y sgôr yn sefyll ar 11-0 ar hanner amser ar ôl cais arall gan David Thomas a throsiad Gwynfor Hughes. Cwblhawyd sgorio Pwllheli yn yr ail hanner gyda dau gais drwy’r bachwr Emyr Huws a’r clo John Humphreys.
Daeth tymor 1966 i ben gyda gêmau yn erbyn y cyn disgyblion ag Ysgol Uwchradd Uxbridge o Middlesex, gyda’r tîm yn llwyddo i ennill 10 o’r 21 gêm chwaraewyd. Dyma restr o’r chwaraewyr am y tymor :
| David Jones (capten) | David Edwards |
| Rhys Jones | Ellis Jones |
| Emyr Hughes | John Humphreys |
| David Thomas | Dewi Jones |
| Richard Jones | Richard Pierce |
| Eric Baum | Paul Alderton |
| Gwyn Jones | Ian Martin |
| Terry Owen | Michael Griffith |
| Gwynfor Hughes | Frank Morton |
| Meirion Hughes | Tom Parry |
| Edward Harries | William Martin |
| David Williams |
Diolch eto i John Humphreys am y llun isod. Dyma i chi'r tîm oedd yn fuddugol o 15-5 yn erbyn Llangefni ar Fawrth 30ain 1968.
RHES GEFN : Emlyn Williams : Frank Morton : Richard Ll Jones : Gwyn Jones : John Humphreys : Martin Jones : Tom Parry : Arnold Paul Jones
EISTEDD : David Roberts : Barry Kelly : Wil Martin : Eric Baum : Michael N Jones : Michael Griffiths : David Edwards
Chwaraeodd y tîm 13 o gemau yn ystod y tymor gan ennill dim llai nag 11 o'r rhain.
Dewiswyd John Humphreys i chwarae dros Ysgolion Uwchradd Gogledd Cymru yn erbyn Ysgolion Sir Fynwy 'bnawn Sadwrn Tachwedd 4ydd 1967. Cafodd Eric Baum hefyd ei ddewis i chwarae yn yr un tîm y diwrnod hwnnw. Mae'n rhaid i John fod wedi creu gryn argraff gan iddo gael ei ddewis i chwarae i dîm Mynwy, Gogledd a Chanolbarth Cymru dair wythnos yn ddiweddarach, yn Stadiwm Cwmbran yn erbyn Dwyrain Morgannwg. Dim ond tri bachgen o'r gogledd oedd yn y tîm, John, V Morris o Llandudno a D Cunnah o Ddinbych.
Ysgol Glan y Môr 1968-69
Cefn : Tom Parry : Arnold Paul Jones : Ronald Japheth : Richard Ll Jones : Michael(Highways)Jones : Martin Jones : Wil Martin : Gwyn Jones : Frank Morton
Blaen : Emlyn Williams : David Edwards : Mike Griffiths : David Roberts : Dewi Gough Jones : Barry Kelly
Diolch i Mair Jones a Milgi am gael menthyg y llun uchod.
Ysgol Glan y Môr 1969-70
CEFN : Lance King : Llew Sol Owen
SEFYLL : Hubert Hughes : David Ellis : H G Roberts : David Burnham : Edward John Jones : Dewi G Jones : Eric Robetrs
EISTEDD : Jack Williams : Idris Griffiths : Martin Jones(Is.G) : Michael Griffiths(Capten) : Frank Morton : Ieuan Williams : William Martin
BLAEN : John Hughes : Gareth Owen
Diolch i David Burnham a Milgi am gael menthyg y llun uchod.